...
يحكيو على واحد عربي قام عالصباح مسكين هز القنفلاش متاعو باش يعمل دورة في بلادو المغتصبة .
يهجمو عليه حشاكم عشرين طحان يحبو يحرقولو كرهبتو ويضربوه .
علاش ؟ على خاطر هذاكا النهار المقدس متاع اليهود يصومو فيه و يتمتعو بالعيش في عصر ما قبل التاريخ وقتلي طلعلنا موسى بحكاية مالحيط لتوة نعانيو في جرتها .
بعد دقائق تسربت اخبار انو السائق هذا مات ، مباشرة بعد ذلك انتفض العرب للانتقام .
دامت المواجهات عدة ايام تعاملت فيها الشرطة الاسرائيلية بعنصرية فاضحة و ساهمت بشكل كبير في مزيد اشعال المشكلة خاصة بعد سقوط عديد القتلة من الجانب العربي وبعض الجرحى والمفجوعين فقط من الجانب الاسرائيلي المكرزين مساكن قال شنوة :
اعتداء على المشاعر الدينية (:
وانا نعمل في دورة في التلفزة تعديت على فرونس 2 نلقاهم يحكيو على الموضوع في الاخبار .
le pertubateur palestinien qui est a l'origine de ces violances est arreté aujourdhui pour...etc
ما نجمتش نكمل نسمع قلة الحياء هذي... سكرت التلفزة وهبطت عملت سيغارور و الي يسلم عليا نمشيلو شلبوق .
رسالة للغرب الي يدافع على تصوير محمد وهو مقعمز في التوالات باسم حرية التعبير ،
اش بيكم ما تتكلمو على احترام المشاعر الدينية كان كيف الحكاية تمس ولاد حومتكم ؟؟؟
تصور كان جاء واحد يهودي عازقو في بلاد عربية وهجمو عليه المسلمين حبو يحرقولو كرهبتو...
كنتو تقولو على اليهودي " بارتورباتور" يحب يفرعس السلم الاجتماعي ، والا ضحية التطرف والتجوديرالعربي ؟؟
اذا كان انتوما معفطين لهالدرجة وما تعرفوش تكذبو و تمثلو ادواركم... عاونونا بالسكات بالله وسيب عليكم من حكايات الشرق الاوسط .
تلهاو في هاك القطوس الي ضاع في مرسيليا خير..
...
9 التعليقات:
très bien dit
la définition de la liberté n'est pas la même pour tout le monde... dommage
تي شنية في بالك مالة الإعلام يعلمك كيفاش تكذب على العباد وتخليهم يصدقو التبلعيط متاع الحكومة ويصفقولو بيان سير...اشتحب تعمل اذيكا الدنيا ...الصحفيين قليل وين تلقى فيهم واحدكوراجو كيفي ومتثقف كيفي وحقوقي كيفي وملحد كيفي ومتنيك من الطرح كيفي
خويا مروان انت وقعت في مغالطه فكريه لا مجال للمقارنه بين ما يتمتع بيه العرب كاقليه في دولة اسرائيل العلمانيه و بين ما يعانيه الاقباط او السريان او الاكراد في دول العربان كرهك الاعمي لليهود اعماك عن رؤية الحقيقه.
ولد بيرسا و ماندلا (:
مرحبا بيكم
Tunisian and proud
يظهرلي خويا واضح اني مانيش نتكلم على التمييز العرقي باش تجبدلي على السريان والاكراد .
قاعد نحكي على مسالة الحرية الشخصية ومدى علاقتها بتدين الدولة.. وازدواجية المعايير عند الغرب الي تخلي الواحد ينطق من اجنابو .
تو انت صائم وما تحبش تسوق كرهبة في يومك المقدس.. علاش تفرض في ذوقك على غيرك ؟؟
وكيفاش يراو الفرانسيس ( مؤسسي العلمانية الحديثة ) انو من حق اليهود باش يتصرفو هكة على خاطر مشاعرهم الدينية تمست في وقت الي يدافعو فيه على رسم محمد بالطريقة المهينة هاذيكا ؟
زعمة لو كان في رمضان قامو جماعة توانسة شدو توريست مرمدوه على خاطر عازقو..مش راهم طلعولنا جد بونا بتطيح القدر وخرجونا هوايش ما نعترفوش بالاخر ؟
ازدواجية المعايير حاجة اصبحت مفضوحة عند الاعلام الغربي.. وما تستحقش برشة هدرة .
ليلتكم زينة
..
بوست جيد عن ازدواجية المعايير في حرية التعبير عند الغرب
Hiyya rahi el9adhiyya el falistiniyya 3ziza 3lina barcha. Ama ken el wa7ed ykoun pragmatique chwayya, tawwa yefi9 elli mannajmou en3awnouhom ella ma en7ellou mochkla kbira 3andna lehna fi tounes 9bal. emba3ed tawwa raghbet echa3b tet7a99a9 3an tari9 7oukoumtou elli tmathlou a7sen tamthil.
tré bien dit simplement..et ben, il parrait que les pays occidantaux voient que les arabes ne sont toujours pas dignes de la liberté que les israeliens jouissent par exemple..c'est honteux!!
mafhemtech kifech 3omrek 18
Tatla3chi cheref w ta7chi fih(:
Pour le reste c vrai que les occidentaux ont un double discours,mais au moins ils ont pu garantir la dignité à leurs populations,il faut cesser de jouer les victimes,hathika eddenya kima 9al Mandela
c tres bien di jai bien aimer la derniere parti!!!bonne continuation^^
إرسال تعليق