خريتو فيه..
أي نعم يا سيدي ، راكم خريتو فيه ،... زلعتونا قدام الأمم ، عملتو العار ، فضحتونا...
توة واحد على الأقل يكون صريح ، علاش يكذب على خلق ربي ؟ الشيوعي كيف يشد الحكم يصرحلك يقلك راهو احنا باش نمارسو دكتاتورية البروليتاريا وتشدوني منو.. الإسلامي كيف يشد الحكم يقلك راهو باش نطبقو الخلافة ، الخ...
علاش تحتضنو في والديها قمة المعلومات هذي ؟؟؟
تحبو تردمو الفجوة الرقمية مع الغرب قبل ما تردمو هاك الفجوة الفكرية أو بالأحرى الفوسي الفكري الي معشش في عقولكم ؟؟
كيفاش جات هذي ؟؟؟؟؟؟
تنجموشي يا جماعة " مزيد من البذل والعطاء لكسب تحديات الحاضر و رهانات المستقبل والرقي بتونس الى...." تفسرولنا الظاهرة المقصية الي هابطة تحش في المواقع والمدونات حتى غير السياسية منها ؟؟
حتى رابيد شير يا رسول الله ؟؟ و اليوتوب ؟؟
تو مش شي يحشم هذا ويعمل التقلص في المعدة ؟؟؟
تونس في المرتبة الثانية بعد السعودية من حيث التضييق على الإعلام في العالم العربي ؟؟
علااااااااااااش ؟
علاش ما نوريوش للعالم وجه آخر لهذا الشعب المتمدن والمسالم ؟؟
علاش نخليو الجزيرة تشمت بينا وتقيد هذا على العلمانية ؟؟
من شنوة تخافو ؟؟ خلي العباد تحكي...تكتب.. تعيط... تنقد.. تربرب...
باش تموتو ؟؟ نقصت منكم حاجة.. ؟؟ بالعكس العالم كل يولي يشكر فيكم..
ما تعرفوش إلي الكبت يعمل مشاكل أخرى اكبر ؟؟
ماتعرفوش إلي الإنسان المكبوت و الممنوع من التعبير.. يلقى طيارة للسودان يمشي يقاتل الجنجويد غادي ؟؟
راهو عيب... عيب... وما يليقش... وما عادش حلو في العصر هذا..
باش يجي نهار وتتحل المواقع هاذي الكل.. على خاطر المدونين ماهمش موظفين باش يفدو وإلا يقلقو ، ويحبو تونس أكثر بياسر من سي عمار هذا... والنضال متاعهم باش يتواصل حتى نيل الحرية الكاملة ، و في تلك اللحظة ، تولي الفترة هاذي نقطة سوداء في مسيرة حرية الإعلام..
...
5 التعليقات:
ya3tik essa77a, 18 ans we mo55ek ma7loul. Ken el generation el jedida el koll kifek oumourna lebes.
j'aime bien. un style assez mature pour ton âge.
bonne continuation
3ezdine
(:
3ychou 3al passage w 3al comentaire ta7foun..
je crois oui que ma generation hethi bdett tlawej 3ala style ekhor mta3 vie.. style ylawej 3al creation mta3 personalité special lkoll we7ed w ye3tabrouha naw3 mel independance mentale
meme avec hal manthouma tarbawia elli tkharej des gens pour travailler non des humains qui ont le pouvoir de penser..
el 9adem afthel j'espere (:
----------------------
daddou
(:
merci 3al comentaire
bon je crois que c le temps de commencer a tracer notre route..
mezel 3wayem 3al fac.. w kima ta3ref.. la vie universitaire demande cette maturité elli ta7ki a3liha
(:
je suis heureux elli fama des jeunes zeda qui s'interesse a ce que j'ecrit
(:
c un bon signe
merci
ciao
..
يا صديقي امر عادي إنو الإستبداد عدو الإعلام...والنطام المبشول إلي عنا قاعد يرقص في رقصة الديك المذبوح هاو ضرب هاو منع هاو صنصر هاو كذب هاو برهان بسيس هاو منذر ثابت....وما تتصورش إنو نهار با ش يهديهم الرب ويسيبو الإعلام لأنو باش يفضح الفضايح متاعهم...حاسيلو قدرنا باش نحاربو البهامة والتخلف من جهة والإستبداد والقهر من جهة أخرى
خويا مندلا
عيشو ع التعليق
كيف ما قلت انت..
يظهرلي هذاكا قدرنا بالرسمي..
الثنية صعيبة برشة..
ويلزمها طول نفس وقليب قوي
كان الله في عوننا (:
ciao
إرسال تعليق